Love story short movie

Love story script for short film - Adhuri Kahani Adhuri Kahani Scene no.1 Time- Day Location- Sea Beach. Rahul beach kinare ek pahadi par sochate hua baita hai. Gaadi ke horn ki awaaz aati hai. Rahul gaadi ke horn ki awaaz sunate hi khada ho gaadi ki taraf dekhataa hai. Gaadi se Soniya baahar aati hai. Rahul (Awaaz dete huye)- Soniya…. Soniya…. Main yahan hoon. Upar aa jao. (Soniya Rahul ke kareeb aati hai.) Rahul – baito Soniya baito… (Dono ek saath beach ke kinare bait jaate hain. Dono kuchh minute ke liye shant rahate hain. Aur beech beech me ek dusare ki taraf dekhte hain. Lekin kuch baat nahi karte hain. ) (Kuchh minute baad)…. Rahul – Soniya …. Kya tumne apne dady se baat ki? Soniya – kis visay mein. Rahul – bhool gayi… apni shadi ke baare mein. Soniya – haan ki to …. Lekin dady ne saaf inkaar kar diya. Rahul –What? Soniya – Yes Rahul. Mere dady meri shadi kisi NRI ladke se karnaa chahte hain. Uske dady ke paas bahut paise hain. Aur unka bahut bada business bhi hai. But Rahul you don’t worry. Main shadi tumse hi karungi. Bas ek baar tumhari engineering ki padaai puri ho jaaye aur tumhe koi achhi si naukari mil jaaye. Phir dekhanaa main tumhe papa ke paas khud le kar jaaungi. Rahul- Nahi soniya… shayad ye ho nahi sakataa kyuki ab mera man padaai mein nahi lagataa. Bas ab din aur raat tumhi mujhe najar aati ho. Lekin main jaantaa hoon soniya mere maa baap ne mujhe yahan pe padane ki liye bheja hai, lekin ab main aur tumse door nahi rah sakataa soniya. Soniya –O come on Rahul… kya baate kar rahe ho? (Kuchh minute ke liye dono shant ho jaate hain.) Rahul – kya tum uss ladke se milo ho? Soniya- nahi. Rahul – to… tum kya chahti ho. Soniya –Main to tumhe hi pasand karti hoon. Lekin agar hamne bhag ke shadi bhi kar li to kya khayenge, kahan rahenge. Aur to aur tum berojgaar bhi ho. And you have no job and no money. Jara socho ham bina kaam aur paise ke kaise jee sakenge. (Rahul soch mein pad jata hai.) Soniya – Main ek baat kahu. Rahul – Kya ? Soniya – Hamare ghar wale to hame ek hone nahi denge . But… ham jeete ji ek to ho nahi sakte to… kyu na ham mar ke ek ho jaye. Rahul – You mean sucide? Soniya – Yes. Rahul – Are you gone mad? Kya en sab se tumhare mammi – dady ko dukh nahi hoga. Soniya – To ham kya kar sakate hain Rahul. Tumhi kuchh bataao. Mere dad to tumhe istarah kabhi bhi accept nahi karenge. To ham kyu kisi ke baare mein soche. jab ki unhe hamaari khushi ka jara bhi parwaah nahi hai. (Kuch minute ke liye dono shant ho jaate hain.) Rahul – Soniya mujhe aisa lag raha hai tum sayad thik kah rahi ho. Hame sucide kar lena chahiye Waise bhi ab es life mein aur kuchh nahi bacha hai jeene ke liye. (Dono ek dusare ka haath thaame khade ho jaate hain aur ek dusare ko gale lag kiss karte hain. Aur phir ek dusare se alag hote huye Rahul Soniya ka haath thame kar jaise hi samundra mein chhalang lagane ki koshish karta hai. Soniya usse rok leti hai.) Soniya- Nahi … mujhe darr lag raha hai. Rahul – Ess mein darne ki kya baat hai. Hum dono ne ek saath jeene – marne ki kasam khayi hai. Then, why be should worry. To aaj ek saath hum apni jaan de kar apne pyar ko saabit kar denge. Soniya – lekin tumhe pataa hai mujhe gahre paani se kitnaa darr lagataa hai. Agar tum pahle yah kadam uthaaoge to mujhe sahas milegaa aur tumhare baad main jaroor apni jaan de sakungi. (Rahul Soniya ke chehre ki taraf dekhataa hai aur phir paani ke chhalaang laga letaa hai. Soniya paani ki taraf dekhate hi rah jaati hai. Ussi wakt Soniya ke mobile ki ring bajati hai. Soniya darr aur kanpate hath se call receive karti hai.) Voice on mobile- Where are you Soniya? Main 2 gante ke tumhara shopping center mein intjaar kar raha hoon…… (Soniya apne kadam wapas lauta kar car ki taraf chali jaati hai. aur apni car mein baith o wahan se car drive kar chali jaati hai.) Scene 2, scene 3, scene 4, scene 5....and many more